El biltu de tuberculosis bovina "esmolez" a Mediu Rural, que toma midíes pa frenalu

El PP ve amenazáu'l futuru de Tinéu col plan pa frenar el biltu nel conceyu

El conseyeru de Mediu Rural y Política Agraria, Marcelino Marcos, alvirtió esti martes de que los cinco focos de tuberculosis bovina contabilizaos nos últimos meses en Tinéu "esmolecen" a l’alministración asturianu, que tomará midíes pa "tratar de salvar" esti problema de sanidá animal y evitar qu’Asturies pierda l’estatus de rexón libre d’esta enfermedá.

"Falamos de cinco focos en 2024, pero tamién ye verdá que falamos de 90 ganaderíes afectaes con animales reaccionantes nesi mesmu periodu. Eso implica tomar decisiones", recalcó’l conseyeru.

El Gobiernu del Principáu tomará midíes adicionales pa frenar l’espardimientu de la tuberculosis bovina nesti conceyu que tán recoyíes nel Programa Nacional d’Erradicación de Tuberculosis Bovina.

Marcos esplicó qu’estes actuaciones diéronse a conocer nuna xunta convocada’l 12 d’avientu pasáu con responsables del Ayuntamientu de Tinéu, na que tamién participó’l presidente de la sociedá de cazadores Venatoria de Tinéu, col envís d’entamar una investigación.

El PP ve amenazáu’l futuru de Tinéu col plan pa frenar la tuberculosis bovina

Cientos de ganaderos de Tinéu "desapaecerán" si se ponen en marcha les midíes previstes pol Gobiernu asturianu pa contener el biltu de brucelosis bovina nun conceyu que, según el diputáu asturianu del PP Luis Venta, ve amenazáu’l so futuru poles decisiones tomaes pol ex-rexidor socialista del conceyu, y agora titular de la conseyería de Mediu Rural, Marcelino Marcos.

“Los ex-alcaldes y los ex-conceyales de Tinéu que güei xestionen la conseyería de Mediu Rural, con Marcelino Marcos a la cabeza, quieren estrangular al conceyu que-yos dio la espalda nes elecciones. Al final esto ye Barbón escontra Tinéu", afirmó’l diputáu popular que pidió que s’anulen les midíes anunciaes pa parar el biltu.